Gamla myndin: veistu hvar þetta er?

Vikulega birtist gömul ljósmynd á Akureyri.net í samstarfi við Minjasafnið á Akureyri. Þetta er 136. gamla myndin frá safninu sem birtist hér og hafa flestar vakið mikil viðbrögð. Fólk sýnir iðulega gömlum myndum gríðarlegan áhuga og Minjasafninu hafa borist fjölmargar ábendingar um nöfn fólks og staðhætti eftir að mynd birtist opinberlega.

Þeir sem kunna að búa yfir upplýsingum um myndina eru hvattir til að senda þær til Minjasafnsins á Akureyri, á netfangið hg@minjasafnid.is

• Myndin hér að neðan birtist fyrir viku og ábendingar voru ekki lengi að berast: Þarna eru skátar á ferð við bæinn Kálfaströnd 1 í Skútustaðahreppi við Mývatn. 

Fleiri gamlar myndir frá Minjasafninu á Akureyri er hægt að skoða HÉR