Ein með öllu kvödd með mikilli litadýrð

Fjölskylduhátíðinni Einni með öllu lauk í kvöld með svokölluðum Sparitónleikum á flötinni neðan við Samkomuhúsið. Mjög fjölmennt var á svæðinu og góð stemning á meðan tónlistarfólk skemmti hátíðargestum, tívólí var einnig í gangi á svæðinu og á miðnætti var hátíðin kvödd formlega með glæsilegri flugeldasýningu.

Þeir sem sátu inni í tívólí-kúlunni á myndinni, kúlu sem fest var í teygju og skaust upp og niður með miklum látum, hafa að öllum líkindum séð flugeldasýninguna afar vel!

Myndin að neðan birtist áðan á Facebook síðu Akureyrarflugvallar. Sjónin af norðurenda flugbrautarinnar var sem sagt ekkert slor í góða veðrinu á miðnætti.

Fjölbreytt myndasyrpa frá helginni verður birt síðar