UFA drengir hlóðu á sig Íslandsmeistaratitlum

Um nýliðna helgi fóru sex keppendur á vegum UFA til Hafnarfjarðar, þar sem fram fór Meistaramót Íslands 15-22 ára í frjálsum íþróttum. Þetta var að sönnu ferð til fjár því drengirnir, þetta voru allt strákar, komu heim með 9 Íslandsmeistaratitla, 5 silfurverðlaun, 3 brons auk fjölmargra persónulegra bætinga.

• Birnir Vagn Finnsson varð Íslandsmeistari í fjórum greinum í flokki 20-22 ára, 60 m hlaupi og 60 m grindahlaupi, langstökki og hástökki. Auk þess vann hann til silfurverðlauna í 200 m hlaupi og bronsverðlauna í kúluvarpi.
• Róbert Mackay varð Íslandsmeistari í tveimur greinum í flokki 16-17 ára, 60 m grindahlaupi og 400 m hlaupi. Auk þess vann hann til silfurverðlauna í 60 m og 200 m hlaupi.
• Alexander Breki Jónsson varð Íslandsmeistari í kúluvarpi 16-17 ára.
• Brynjar Páll Jóhannsson varð Íslandsmeistari tveimur greinum í flokki 15 ára, 60 m hlaupi og langstökki. Auk þess vann hann til silfurverðlauna í þrístökki og bronsverðlauna í 300 m hlaupi og hástökki.
• Pétur Friðrik Jónsson vann til silfurverðlauna í þrístökki í flokki 15 ára, auk þess sem hann bætti sig í öllum fimm greinunum sem hann keppti í.
• Tjörvi Leó Helgason keppti í þremur greinum í flokki 18-19 ára og bætti fyrri árangur sinn bæði í 60 m hlaupi og langstökki.

Þessi árangur ungmennanna í UFA er glæsilegur og þeim skal óska til hamingju.