Íþróttir
Þórsarar unnu 46 stiga sigur á Tindastóli
09.02.2023 kl. 10:30
Hrefna Ottósdóttir skýtur að körfunni í gærkvöldi. Þjálfarinn, Daníel Andri Halldórsson, og Emma Karolína Snæbjarnardóttir gefa merki um að Hrefna sé utan þriggja stiga línunnar. Ljósmynd: Páll Jóhannesson.
Kvennalið Þórs í körfubolta sigraði Tindastól frá Sauðárkróki mjög auðveldlega, 102:56, í næst efstu deild Íslandsmótsins í gærkvöldi. Leikið var í Íþróttahöllinni á Akureyri.
- Skorið eftir leikhlutum: 27:10 – 30:13 (57:23) – 20:21 – 25:12 – 102:56
Madison Anne Sutton gerði 22 stig fyrir Þór, tók 17 fráköst og gaf sex stoðsendingar. Hrefna Ottósdóttir gerði 19 stig og Heiða Hlín Björnsdóttir 17.
Þórsstelpurnar eru í 2. sæti deildarinnar með 26 stig eins og Snæfell en Stjarnan er efst sem fyrr, hefur 30 stig.
Ítarlega er fjallað um leikinn á heimasíðu Þórs. Smellið hér til að lesa.
