Íþróttir
Þór efstur – samið við bandarískan miðherja
14.11.2021 kl. 06:03
Þórsliðið fyrir leikinn gegn Tindastóli í gær. Mynd af heimasíðu Þórs.
Þórsarar eru í efsta sæti neðri deildar Íslandsmóts kvenna í körfubolta eftir góðan sigur á Tindastóli í gær, 79:68. Þórsliðið hefur unnið fimm leiki en tapað einum og er með 10 stig.
Marín Lind Ágústsdóttir gerði 19 stig fyrir Þór, Ewa Wium 14, Hrefna Ottósdóttir og Heiða Hlín Björnsdóttir 13 hvor og Rut Herner Konráðsdóttir 11.
Nánar um leikinn hér á heimasíðu Þórs.
Smellið hér til að sjá alla tölfræði úr leiknum.
Körfuknattleiksdeildin hefur samið við bandarískan miðherja, Ionna McKenzie, sem er á meðfylgjandi mynd. Hún er 25 ára og 187 cm á hæð. Ionna lék á sínum tíma með Texas Tech Red Raiders í bandarísku háskóladeildinni. Hún verður væntanlega með í næsta leik, gegn Hamri-Þór Þorlákshöfn um næstu helgi.
