Íþróttir
Sigur í Borgarnesi og Þórsarar í 5. sæti
08.02.2025 kl. 06:00
Reynir Bjarkan Róbertsson hefur fundið taktinn og skoraði yfir 30 stig annan leikinn í röð þegar Þórsarar unnu Skallagrím í Borgarnesi. Mynd: Skapti Hallgrímsson.
Karlalið Þórs í körfuknattleik vann tíu stiga sigur á botnliði Skallagríms í gærkvöld og er áfram í 5. sæti 1. deildarinnar þegar 17 umferðum af 22 er lokið.
- Gangur leiksins: Skallagrímur - Þór (27-29) (16-18) 43-47 (18-25) (21-20) 82-92
- Byjunarlið Þórs: Andrius Globys, Orri Már Svavarsson, Reynir Bjarkan Róbertsson, Tim Dalger, Smári Jónsson.
- Staðan í deildinni
- Ítarleg tölfræði leiksins
Reynir Bjarkan Róbertsson fór yfir 30 stigin annan leikinn í röð, var stigahæstur Þórsara með 32 stig, og hæsta framlagið, 27 framlagsstig, auk þess að stela fjórum boltum. Tim Dalger skorðai 25 stig og Andrius Globys var að venju öflugur í fráköstunum, með 15 slík.
Þór er áfram í 5. sæti deildarinnar eftir leiki 17. umferðarinnar. Fjölnir og Breiðablik fylgja þeim fast eftir, en þessi þrjú lið hafa öll unnið átta leiki og tapað átta.
Helsta tölfræði leikmanna Þórs, stig/fráköst/stoðsendingar
- Reynir Bjarkan Róbertsson 32 - 4 - 4 - 27 framlagsstig - 4 stolnir boltar
- Tim Dalger 25 - 11 - 5
- Andrius Globys 11 - 15 - 2
- Orri Már Svavarsson 9 - 5 - 2
- Veigar Örn Svavarsson 6 - 3 - 0
- Smári Jónsson 4 - 2 - 4
- Páll Nóel Hjálmarsson 3 - 0 - 0
- Andri Már Jóhannesson 2 - 4 - 0
