Íþróttir
SA mætir SR í Hertz-deild kvenna
30.09.2023 kl. 10:00
Shawlee Gaudreault hefur staðið í marki SA í tveimur leikjum af þeim þremur sem liðið hefur spilað í haust og er með 94,87% markvörslu, hefur fengið á sig tvö mörk úr 39 markskotum. Ljósmynd: Skapti Hallgrímsson.
Kvennalið SA í íshokkí hefur byrjað tímabilið af krafti í Hertz-deildinni og hefur nú þegar sigrað lið Fjölnis tvisvar og SR einu sinni í haust og er á kunnuglegum slóðum á toppi Hertz-deildarinnar með níu stig, Fjölnir er í 2. sæti með þrjú og SR án stiga.
Í dag er komið að fjórða leik liðsins þegar lið SR mætir í Skautahöllina á Akureyri. Leikurinn hefst kl. 16:45.
