Íþróttir

KA þarf á sigri að halda gegn Stjörnunni í dag

Skapti Hallgrímsson - skapti@akureyri.net 26.08.2023 kl. 13:30

KA og Stjarnan mættust síðast á Akureyri sumarið 2021, á gamla Akureyrarvellinum - Greifavellinum fyrsta. Elfar Árni Aðalsteinsson, sem hér er með boltann í leiknum, gerði fyrra mark KA í 2:1 sigri. Heimaleikur KA gegn Stjörnunni í fyrrasumar fór fram á Dalvík. Ljósmynd: Skapti Hallgrímsson

KA tekur á móti Stjörnunni í dag í Bestu deild karla, efstu deild Íslandsmótsins í knattspyrnu. Leikurinn hefst klukkan 16.00.

KA-menn eiga aðeins þrjá leiki eftir í hinni hefðbundnu deildarkeppni. Að 22 leikjum loknum verður deildinni skipt í tvennt, sex efstu halda áfram keppni um Íslandsmeistaratitilinn og sæti í Evrópukeppni og þau sex neðri mætast innbyrðis, þar sem baráttan snýst um að lenda ekki í neðstu sætunum tveimur.

KA-menn eru í áttunda sæti og þurfa nauðsynleg á sigri að halda í dag til að

Stjarnan vann öruggan sigur í fyrri leik liðanna í sumar, 4:0, á heimavelli sínum . Liðið er í fjórða sæti með 31 stig að loknum 20 leikjum og hefur verið á mikilli siglingu undanfarið. Verkefni KA manna í dag er því sannarlega verðugt.

Víkingur er lang efstur í deildinni og Valur, Breiðablik og Stjarnan örugg með sæti í efri hlutanum.

Fjögur lið berjast um hin tvö sætin í efri hlutanum