Íþróttir
Í dag: KA/Þór mætir Fram á útivelli
28.10.2023 kl. 14:16
Lydía Gunnþórsdóttir skoraði fimm mörk í sigurleiknum gegn Aftureldingu. Ljósmynd: Skapti Hallgrímsson.
Sjöunda umferð Olísdeildar kvenna í handbolta hefst í dag með þremur leikjum. Þar á meðal er er leikur hjá stelpunum okkar þegar KA/Þór mætir Fram á útivelli kl. 16.
Fyrsti sigur KA/Þórs á leiktíðinni kom í síðustu umferð þegar þær mættu liði Aftureldingar á heimavelli. Tíu marka sigur, 26-16, varð niðurstaðan þar. Fram vann þriggja marka sigur á ÍBV á útivelli í síðustu umferð.
Gengi þessara liða var ólíkt í fyrstu umferð bikarkeppninnar sem spiluð var í vikunni. Nokkrum dögum eftir sigurinn á Aftureldingu vann KA/Þór risasigur á Berserkjum, 36-7. Á sama tíma beið Fram 12 marka ósigur gegn Selfyssingum.
Leikur Fram og KA/Þórs fer fram í Úlfarsárdal og hefst kl. 16.
