Íþróttir
Grátlegt tap Þórs/KA fyrir Stjörnunni
19.05.2021 kl. 21:44
Arna Sif Ásgrímsdóttir, sem kom inn í lið Þórs/KA á ný í kvöld, bíður eftir boltanum inni á teig gestanna. Hulda Björg Hannesdóttir til vinstri, Anna María Baldursdóttir, fyrirliði Stjörnunnar, til hægri. Ljósmynd: Skapti Hallgrímsson.
Þór/KA tapaði 1:0 fyrir Stjörnunni í Pepsi Max deildinni í fótbolta, efstu deild Íslandsmótsins, í Boganum í kvöld. Akureyrarstelpurnar voru betri í leiknum en náðu þrátt fyrir það ekki að skapa sér verulega góð tækifæri til að skora. Allt stefndi í markalaust jafntefli en það var svo á lokasekúndunum sem gestirnir skoruðu; Hildigunnur Ýr Benediktsdóttir þrumaði boltanum í netið af stuttu færi eftir hasar í teignum, þegar komnar voru 93 mínútur á klukkuna.
Smellið hér til að sjá leikskýrsluna.
