Birkir til Adana Demirspor í Tyrklandi

Landsliðsmaðurinn Birkir Bjarnason hefur samið til tveggja ára við tyrkneska knattspyrnufélagið Demirspor í borginni Adana í suður hluta landsins. Félagið vann tyrknesku B-deildina í vor og leikur því í efstu deild í vetur. Fyrsta leikur Demirspor í deildinni verður á sunnudaginn þegar það mætir stórliði Fenerbahce.

Birkir, sem er 33 ára, var síðast á mála hjá ítalska liðinu Brescia. Hann átti í viðræðum við Demirspor fyrr í sumar en ekki varð af samningi þá. Á meðal samherja Birkis hjá tyrkneska félaginu verður ítalski framherjinn litríki, Mario Balotelli.