Bikarúrslit í blaki – hokkí og fótbolti heima

Í dag verður látið sverfa til stáls í bikarúrslitaleikjunum í blaki, Kjörísbikarnum, og kemur þá í ljós hvort KA-liðin lyfta bikarnum, annað eða bæði, eða þurfa að sætta sig við silfurverðlaun. Bikararnir fara á loft í Digranesi í Kópavogi, bara spurning hvort þeir koma norður eða ekki. Bikar fer líka á loft í Skautahöllinni á Akureyri þar sem karlalið SA fagnar deildarmeistaratitlinum eftir lokaleik Toppdeildarinnar.

LAUGARDAGUR – blak, fótbolti, íshokkí

KA á lið í báðum bikarúrslitaleikjunum í blaki sem fara fram í dag. Karlaliðið mætir Þrótti kl. 13 og kvennaliðið mætir HK kl. 15:30. Báðir leikirnir verða í beinni útsendingu á aðalrás Ríkissjónvarpsins, RÚV.

• Kjörísbikar karla í blaki
  Digranes í Kópavogi kl. 13
  KA - Þróttur R.
• Kjörísbikar kvenna í blaki
  Digranes í Kópavogi kl. 15:30
  KA - HK

- - -

Leik Þórs/KA og Vals í A-deild Lengjubikars kvenna hefur verið flýtt um einn dag og verður spilaður á laugardag kl. 17 í stað sunnudags. Þór/KA þarf á sigri að halda til að vera áfram með í baráttunni um annað af tveimur efstu sætum riðilsins og þar með sæti í undanúrslitum.

• A-deild Lengjubikars kvenna í knattspyrnu, riðill 1
  Boginn kl. 17
  Þór/KA - Valur

- - -

Segja má að báðir hokkíleikir laugardagsins séu formsatriði. Nú þegar er ráðið hvaða lið eru deildarmeistarar karla og kvenna og hvaða lið mætast í úrslitaeinvígjunum. SA-liðin taka á móti liðum SR á laugardag.

Karlalið SA hefur nú þegar tryggt sér deildarmeistaratitilinn og því ætti bikar að fara á loft í Skautahöllinni á Akureyri síðdegis á laugardag. SA missti hins vegar sama titil í hendur Fjölni.

• Toppdeild karla í íshokkí
  Skautahöllin á Akureyri kl. 16:45
  SA - SR
• Toppdeild kvenna í íshokkí
  Skautahöllin á Akureyri kl. 19:30
  SA - SR