Vorhreingerningar á fullu

Vorið er tími hreingerninga, innan dyra og utan. Fjölmargir fóru á stúfana á plokkdeginum í lok apríl, en nú er vorhreinsun bæjarins í fullum gangi, götur sópaðar og næsta skref að taka við garðaúrgangi frá íbúunum eftir snyrtingu garða og gróðurs við heimili og vinnustaði. 

Vakin er athygli á að starfsfólk bæjarins mun ekki fjarlægja garðaúrgang frá lóðamörkum. Á vegum bæjarins hefur hins vegar verið komið fyrir gáumum á eftirtalda staði og þar verða þeir til 19. maí:

• Bugðusíða við leiksvæði
• Aðalstræti sunnan Duggufjöru
• Bónus við Kjarnagötu
• Bónus við Langholt
• Krambúðin við Byggðaveg
• Nettó í Hrísalund

Í tilkynningu á vef Akureyrarbæjar eru bæjarbúar hvattir til að nýta sér þessa gáma.

Einnig er tekið við garðaúrgangi og fleiru á gámasvæði við Réttarhvamm og á móttökustöðinni Hlíðarvöllum við Rangárvelli.