Tvö tjaldsvæði á Akureyri um helgina

Þó svo tjaldsvæðið við Þórunnarstræti sé ekki lengur til staðar sem slíkt verða tvö tjaldsvæði í boði á Akureyri um komandi helgi. 

Aðgangur á tjaldsvæðinu að Hömrum verður takmarkaður þannig að þar verður 18 ára aldurstakmark og yngri einstaklingum vísað frá nema þeir séu í fylgd með foreldrum eða forráðamönnum sínum. Ekki dugar að vera í fylgd með einhverjum eldri en 18 ára. Á Hömrum munu barnafjölskyldur hafa forgang og strangar kröfur verða gerðar um að næðisreglum verði fylgt. Þetta kemur fram í frétt á vef bæjarins.

• Tvö tjaldsvæði á Akureyri um helgina | Akureyrarbær

Hinn valkosturinn er síðan tjaldsvæði Bíladaga, sem opnað var í gær og verður opið til sunnudagsins 18. júní. Það svæði er opið öllum gestum Bíladaga.