Sorphirða frestast vegna ófærðar

Sorphirðu hefur verið frestað á Akureyri vegna ófærðar. Snjó hefur kyngt niður síðustu daga og kemst bíll Terra illa leiðar sinnar um íbúðargötur, auk þess sem tunnur eru víða á kafi. Unnið er að snjómokstri af fullum krafti og hefst sorphirða að nýju eins fljótt og auðið er. Á heimasíðu Akureyrarbæjar eru íbúar beðnir um að hreinsa leið að ílátum.