Öxnadalsheiði lokuð – gott veður á Akureyri

Ágætt veður hefur verið á Akureyri í morgun, örlítil ofankoma og svolítill vindur. Myndirnar tvær sem hér fylgja voru teknar í morgun og sýna stöðuna vel.

Hins vegar eru vegir víða lokaðir í landshlutanum og víðar að því er fram kemur á vef Vegagerðarinnar. Snjóþekja eða hálka og skafrenningur er á nokkrum leiðum. 

Veðurstofan spáir versnandi veðri í landshlutanum og gul viðvörun tók gildi um níuleytið í morgun. Spáð er norðaustan 15-20 metrum á sekúndu, snjókomu eða skafrenningi með lélegu skyggni og versnandi akstursskilyrðum.

• Öxnadalsheiði – Vegurinn er lokaður vegna veðurs og litlar líkur á að hann opni í bráð.
• Þverárfjall – Vegurinn er lokaður.
• Möðrudalsöræfi – Vegurinn er lokaður vegna veðurs og verður ekki opnaður í dag.
• Mývatnsöræfi – Vegurinn er lokaður vegna veðurs og verður ekki opnaður í dag.
• Vopnafjarðarheiði – Vegurinn er lokaður vegna veðurs.