Ólafur Þór: Hafið efst í huga að gera ekki skaða

Ólafur Þór Ævarsson geðlæknir fjallar í pistli í dag um hugvíkkandi efni sem mikil umræða hefur verið um hérlendis síðustu daga.

 

„Í samfélaginu myndast oft heilsutíska með eftirspurn eftir ákveðnum meðferðum,“ segir Ólafur og rekur nokkur dæmi, miður góð. „Í leit mannsins að Lausninni er nú greinilega að hefjast tímabil þar sem búast má við aukinni notkun hugvíkkandi efna.“ Umræðan sé gagnleg því þá gefist tækifæri til að skoða allar hliðar málsins.

 

„Sagan kennir okkur, að þrátt fyrir að ný og góð lausn virðist í sjónmáli, þá er betra að sína varkárni og nýta þá þekkingu og vísindalegu aðferðarfræði sem til er,“ skrifar Ólafur Þór Ævarsson.