Íbúum Akureyrar fjölgaði um 416 í fyrra

Íbúum Akureyrar fjölgaði á nýliðnu ári um 416, sem er yfir landsmeðaltali. Íbúar bæjarins voru nú um áramótin 19.640 – fjölgaði um 2,2% en landsmeðaltalið var 2,0%. Árið áður fjölgaði bæjarbúum aðeins um 200.

1. desember 2019 voru Akureyringar 19.024 og 1. desember 2020 voru þeir 19.217. Mánuði síðar, 1. janúar á síðasta ári, voru bæjarbúar 19.224.

Ef svo heldur fram sem horfir gætu Akureyringar náð því langþráða markmiði að ná 20.000 íbúa markinu seint á þessu ári.

Til gamans má geta þess að 10 þúsundasti Akureyringurinn fæddist í apríl 1967 –  fyrir tæpum 55 árum. Sá 15 þúsundasti fæddist haustið 1996, tæpum þremur áratugum síðar. Nú eru líkur á að það taki 26 ár að fjölga bæjarbúum um önnur fimm þúsund.

Fjölmennustu byggðarlög landsins nú um áramótin eru þessi:

• Reykjavík 135.699
• Kópavogur 37.936
• Hafnarfjörður 29.986
• Reykjanesbær 20.412
• Akureyri 19.640
• Garðbær 16.924