Heimir Örn fundar með verkalýðsfélögunum
![](/static/news/lg/1699631157_heimir-og-anna.jpg)
Heimir Örn Árnason, formaður fræðslu-og lýðheilsuráðs Akureyrar, hefur boðað til upplýsingafundar fyrir stéttarfélög í Alþýðuhúsinu um breytingar á gjaldskrá leikskóla bæjarins. Fundurinn verður næstkomandi þriðjudag.
Verkalýðsfélögin sendu frá sér sameiginlega ályktun fyrr í dag þar sem þau gagnrýna meirihlutann í bæjarstjórn vegna breytinganna. Heimir segir við Akureyri.net að hann vilji fá að hitta fulltrúa félaganna og útskýra vel þær breytingar sem eru í farvatninu. Á fundinum verða fyrir hönd bæjarins þau Heimir Örn og Kristín Jóhannesdóttir fræðslustjóri.
Anna Júlíusdóttir, formaður verkalýðsfélagsins Einingar-Iðju, hafði áður í samtali við Akureyri.net lýst mikilli óánægju eftir kynningarfund um leikskólamálið á þriðjudaginn þar sem þaggað var niður í henni.
Fyrri fréttir Akureyri.net um málið:
„Sjónhverfingar“ í leikskólamálum
Hlutverk fundarstjóra að takmarka ræðutíma