Fréttir
Framsókn og Sjálfstæði ræða við Samfylkingu og Miðflokk
17.05.2022 kl. 21:50
Á kjördag! Oddvitarnir sem ætla nú að ræða saman; Hilda Jana Gísladóttir, Samfylkingu, Hlynur Jóhannsson, Miðflokki, Sunna Hlín Jóhannesdóttir, Framsóknarflokki og Heimir Örn Árnason, Sjálfstæðisflokki. Ljósmyndir: Skapti Hallgrímsson
Sjálfstæðismenn og Framsókn slitu í kvöld viðræðum við L-lista um myndun meirihluta í bæjarstjórn Akureyrar eins og Akureyri.net greindi frá. Heimildir herma að flokkarnir tveir muni á morgun hefja viðræður við Samfylkinguna og Miðflokkinn.
Flokkarnir fjórir eru með alls sex bæjarfulltrúa, af þeim 11 sem kjörnir eru. Útkoma flokkanna í kosningunum var sem hér segir:
- Sjálfstæðisflokkur 1.639 atkvæði – 18,0% – 2 bæjarfulltrúar (var með 3)
- Framsókn 1.550 atkvæði – 17,0% – 2 bæjarfulltrúar (var með 2)
- Samfylking 1.082 atkvæði – 11,9% – 1 bæjarfulltrúi (var með 2)
- Miðflokkur 716 atkvæði – 7,9% – 1 bæjarfulltrúi (var með 1)
