Flokkur fólksins birtir allan listann

Flokkur fólksins býður nú fram í fyrsta skipti í bæjarstjórnarkosningum á Akureyri. Framboðslistinn var kynntur í dag, en oddviti hans er Brynjólfur Ingvarsson, geðlæknir, eins og Akureyri.net greindi frá í morgun.

Flokkurinn leggur áherslu á málefni eldri borgara, öryrkja og þeirra sem minna mega sín, einnig skipulagsmál, fjármál Akureyrarbæjar, skólamál, íþróttir og listir, eins og segir í tilkynningu. Flokkur fólksins býður fram undir slagorðinu Jöfnuður – Samvinna – Mannúð.

Listinn í heild er sem hér segir:

1. Brynjólfur Ingvarsson, geðlæknir
2. Málfríður Þórðardóttir, ljósmóðir
3. Jón Hjaltason, sagnfræðingur
4. Hannesína Scheving, bráðahjúkrunarfræðingur
5. Tinna Guðmundsdóttir, sjúkraliðanemi
6. Ólöf Lóa Jónsdóttir, eldri borgari
7. Halla Birgisdóttir Ottesen, forstöðumaður frístundarmála
8. Arlene Velos Reyers, verkakona
9. Theódóra Anna Torfadóttir, verslunarkona
10. Skarphéðinn Birgisson, hárgreiðslumaður
11. Ásdís Árnadóttir, ferðafræðingur
12. Jónína Auður Sigurðardóttir, leikskólakennari
13. Guðrún J. Gunnarsdóttir, húsmóðir
14. Sigurbjörg G Kristjánsdóttir, fiskverkakona
15. Margrét Ásgeirsdóttir, leiðbeinandi
16. Helgi Helgason, málmsuðumaður
17. Hörður Gunnarsson, sjómaður
18. Gísli Karl Sigurðsson, eldri borgari
19. Egill Ingvi Ragnarsson, eldri borgari
20. Sveinbjörn Smári Herbertsson, iðnfræðingur
21. Birgir Torfason, sölumaður
22. Hjörleifur Hallgríms Herbertsson, framkvæmdastjóri og eldri borgari