Færðin: Óvissustig á Öxnadalsheiði og víðar

Þæfingsfærð er á Öxnadalsheiði að því er fram kemur á vef Vegagerðarinnar núna í morgun. Óvissustig er á heiðinni til miðnættis í kvöld. Vegir um Öxnadalsheiði og Vatnsskarð gætu lokast með stuttum fyrirvara. 

Vegagerðin birti eftirfarandi upplýsingar yfir færð á Norðurlandi á vef sínum núna í morgunsárið:

Mjög slæmt skyggni er á Mývatns- og Möðrudalsöræfum og eru vegfarendur beðnir að fara með gát en búist er við að dragi úr veðri um hádegi. Hálka eða hálkublettir og skafrenningur er á flestum leiðum.