Engin takmörk fyrir fegurð himinsins

Samfélagsmiðlar Eyfirðinga eru litríkir um þessar mundir. Glitskýjafansinn sem heiðrar okkur með nærveru sinni hefur hvergi dvínað, en flest hafa náð að munda símtækin eða myndavélarnar til þess að festa litbrigðin á stafrænt form.

Myndaveislan sem Akureyri.net birti í gær – Glóandi pensilstrokur á málverki himinsins – vakti mikla athygli og ánægju og því er ekki annað hægt, lesendum til yndisauka, en birta nokkrar myndir sem bárust í dag. Engin mynd slær við upplifuninni af því að sjá glitskýin með berum augum, og velta fyrir sér listagyðjunni sem náttúran er, en ekki eru allir svo heppnir að eiga kost á því ...

Mynd: Sigurður Kristinsson

Mynd: Jovana Björk Vladovic

Mynd: Sigrún Sævarsdóttir

Mynd: Sigurður Kristinsson