Fréttir
EM U20: Eva í kjöri sem mikilvægasti leikmaður
12.07.2024 kl. 10:20
Eva Wium Elíasdóttir í leik með U20 landsliðinu í B-deild Evrópumótsins sem lýkur um helgina. Mynd: FIBA.
Þórsarinn Eva Wium Elíasdóttir er ein af þeim körfuboltakonum sem fólk getur kosið í vali á mikilvægasta leikmanninum í B-deild Evrópumóts U20 landsliða í körfuknattleik. Þegar þetta er skrifað er Eva með afgerandi forystu í kjörinu og önnur úr íslenska liðinu, Agnes María Svansdóttir, kemur næst.
Eva átti frábæran lokaleik í milliriðlinum þegar íslenskaliðið gjörsigraði það írska og tryggði sér sæti í undanúrslitum B-deildarinnar.
Ísland á erfiðan leik fyrir höndum í undanúrslitum B-deildarinnar, en íslenska liðið mætir því belgíska á morgun kl. 17:30. Úrslitaleikir mótsins verða spilaðir á sunnudag.
Smellið hér til að taka þátt í kosningu um mikilvægasta leikmann mótsins.
