Búist við margmenni í bólusetningu í vikunni
Bólusett verður gegn Covid-19 tvo daga í þessari viku á Slökkvistöðinni á Akureyri og er gert ráð fyrir margmenni báða dagana frá klukkan 9.00 til 16.00.
Boðað verður til bólusetninga einn dag í næstu viku og er það síðasti möguleiki á þessu ári. Næstu bólusetninga eru sem hér segir:
- Miðvikudag 8. desember frá kl. 9.00 til 16.00 – mRNA Moderna
- Fimmtudag 9. desember frá kl. 9.00 til 16.00 – mRNA Pfizer
- Fimmtudag 16. desember frá kl. 13.00 til 15.00
- Fimmtudag 6. janúar frá kl. 13.00 til 16.00
Til þess að komast hjá umferðartöfum er fólk beðið um að koma gangandi ef kostur er eða að sameinast í bíla. Þá er fólk beðið um að mæta þann dag sem það er boðað í bólusetningu.
Heilbrigðisstofnun Norðurlands vill einnig koma eftirfarandi á framfæri:
- Öllum 16 ára og eldri býðst örvunarskammtur þegar að lágmarki eru 5-6 mánuðir liðnir frá grunnbólusetningu.
- Bólusettir einstaklingar 70 ára og eldri geta fengið örvunarskammt þegar þrír mánuðir hafa liðið frá grunnbólusetningu.
- Bólusett verður með mRNA Pfizer og mRNA Moderna, óháð því bóluefni sem notað var við grunnbólusetningu.
- Athugið að ekki er mælst til þess að karlmenn yngri en 40 ára og konur yngri en 18 ára fái Moderna
- Munið að 14 dagar þurfa að líða milli inflúensubólusetningar og bólusetningar gegn COVID-19.
Send eru út boð í örvunarskammta. Þeir sem ekki hafa hafið bólusetningar eða ekki getað nýtt sér fyrri boð eru velkomnir á auglýstum opnunartíma á Akureyri. Ekki er þörf á að hafa strikamerki með í för, bara mæta á staðinn. Börn sem hafa náð 12 ára aldri eru velkomin í fylgd forráðamanna.
Sjá nánar á vef embættis landlæknis:
Sjá nánar á vef stjórnarráðsins:
