Fréttir
KPMG og Advise: Betri yfirsýn – bættur rekstur
16.10.2024 kl. 08:00
KPMG og Advise bjóða til fundar á Akureyri á morgun, fimmtudaginn 17. október, þar sem yfirskriftin er: Betri yfirsýn – bættur rekstur. Fundurinn verður í Hofi milli kl. 17.00 og 18.00.
Í tilkynningu segir:
Á fundinum verður rætt um hvernig fyrirtæki geta náð betri árangri í rekstri með því að setja sér markmið, gera áætlanir sem byggðar eru á ígrunduðum forsendum og öðlast betri yfirsýn yfir stöðu rekstrarins með þeim gögnum sem til staðar eru.
Dagskráin:
- Hvert viltu stefna?
Áætlanir og markmið í rekstri, Guðmundur Hermannsson ráðgjafi hjá KPMG
- Með puttan á púlsinum - gögnin við höndina
Bogi Agnar Gunnarsson, viðskiptastjóri Advise Business Monitor
- Reynslusaga viðskiptavinar
Einar Geirsson, eigandi K6 veitinga fer yfir hvaða aðgerðir félagið hefur farið í til að ná auknum árangri í rekstri veitingastaðanna RUB 23, Bautans og Sushi Corner.
Eftir fundinn verður boðið upp á léttar veitingar.
Þeir sem hafa hug á að sækja fundinn eru beðnir um að skrá sig.