Bara að kíkja á leiki mannanna ...

Falleg ský gleðja mannfólkið iðulega en stundum eru þau þó engir aufúsugestir; þegar þau hylja sólina, þó ekki af illgirni; bara grá, bara grá, að kíkja á leiki mannanna, eins og Spilverk þjóðanna söng um árið. Það var fegurðin sem bjó í skýjum gærdagsins yfir höfuðstað Norðurlands. Páll A. Pálsson ljósmyndari fangaði þessa fallegu gesti á Akureyrarhimninum.