Akureyri vingast við Martin í Slóvakíu

Undirritað hefur verið samkomulag um vináttusamband Akureyrarbæjar og borgarinnar Martin í Slóvakíu. Þetta kemur fram á vef Akureyrarbæjar.

Samkomulagið felur meðal annars í sér að sveitarfélögin stuðli að samskiptum á vettvangi menningar- og félagsmála, íþróttamála og milli óháðra félaga og félagasamtaka. Einnig felur vináttusambandið í sér samvinnu á sviði menntamála og í öðrum þeim verkefnum þar sem hagsmunir Akureyrarbæjar og Martin fara saman.

Martin er níunda stærsta borg Slóvakíu með um 54 þúsund íbúa.