75 milljónum úthlutað úr Uppbyggingarsjóði

Uppbyggingarsjóður Norðurlands eystra styrkir 85 verkefni um alls 75 milljónir króna á þessu ári. Úthlutun fór fram í gær og eru styrkir veittir til menningarverkefna, atvinnuþróunar og nýsköpunar auk stofn- og rekstrarstyrkja á sviði menningamála. Umsóknir bárust úr öllum sveitarfélögum landshlutans, lang mestu var úthlutað til fólks sem búsett er á Akureyri, en hafa ber í huga að fjöldi verkefna hefur bein áhrif á aðra staði, óháð því hvar umsækjandi er búsettur.

Verkefni sem tengjast Akureyri beint eru eftirtalin

• Sköpun utan línulegrar dagskrár – Rafrænar listasmiðjur
• Ungskáld 2021 á Amtsbókasafninu
• Kaka fyrir þig – dansgjörningastuttmynd
• Hrísey Eimingarhús – gin- og viskígerð
• Listasmiðja með strætó – gerð handbrúða og brúðuleikhús
• Ennio Morricone – In Memoriam, flutningur tónlistar þessa heimsþekkta kvikmyndatónskálds
• Braggaparkið – regluleg námskeið á hjólabrettum og hlaupahjólum
• Myndbandasería um landslags- og náttúrulífsljósmyndun á Norðurlandi eystra
• Út um holt og hæðir – merking útivistarleiða í Eyjafirði
• Náttúruböð í Eyjafirði
• Pastel ritröð – samfélagsverkefni sem miðar að því að efla frumsköpun bókverka á Norðurlandi
• Grafíkverkstæði Gilfélagsins
• Fardagar – tónleikaröð með íslenskri þjóðlagatónlist
• Opinn dagur í Gúlaginu – tónlistarhátíð á Oddeyri
• INNI Music, fyrsta alþjóðlega tónlistarforlagið á Íslandi
• Sælkerasveppa- og spírurækt
• Rannsóknarstofa handverks með áherslu á útsaum
• Kaktus Menningarfélag
• Barnabókmenntahátíð í Hofi
• Allar gáttir opnar – listamenn flytja efni í Davíðshúsi og segja frá hvernig sköpun þeirra fer fram
• Lög unga fólksins, þá og nú – tónlistarflutningur og spjall á sýningunni Tónlistarbærinn Akureyri á Minjasafninu
• Mjólkurbúðin – salur Myndlistarfélagsins
• 4 x 4 – Tónleikaferð fransk-akureryska barokkhópsins Corpo di Strumenti
• Fjallahlaupið Súlur Vertical
• Skólatónleikar fyrir 4. til 6. bekk á vegum Tónlistarfélags Akureyrar
• Hreinsistöð Akureyrar – hreinsun sands og fitu
• Hulda skáldkona – hlaðvarp og tónleikar í tali og tónum

Smellið hér til að sjá öll verkefnin sem hlutu styrk.