Þrettándagleði Þórs aflýst annað árið í röð

Íþróttafélagið Þór hefur haldið Þrettándagleði til áratuga, en ekkert verður af slíkri samkomu í kvöld, á síðasta degi jóla.

„Vegna gildandi samkomutakmarkana er ljóst að ekki verður hægt að halda þrettándagleði Þórs í ár. Er þetta annað árið í röð sem ekki er hægt að halda viðburðinn vegna faraldurs Covid 19,“ segir á heimasíðu félagsins. „Við Þórsarar stefnum að sjálfsögðu ótrauð á að halda þrettándagleðina að rúmu ári liðnu en fram að því munum við að sjálfsögðu öll að halda í gleðina á árinu sem ný gengið er í garð!“