Þór
Þórsarar töpuðu fyrir Fjölni í Grafarvogi
14.11.2021 kl. 06:00
Viktor Jörvar Kristjánsson gerði þrjú mörk gegn Fjölni. Ljósmynd: Skapti Hallgrímsson.
Þór tapaði fyrir Fjölni, 28:23, í næstu efstu deild Íslandsmótsins í handbolta, Grill 66-deildinni, á föstudagskvöldið í Reykjavík. Þórsarar höfðu eins marks forskot í hálfleik, 13:12.
Tomislav Jagurinovski gerði 8 mörk fyrir Þór, Arnþór Gylfi Finnsson 5, Viktor Jörvar Kristjánsson 3, Jóhann Einarsson 3, Arnór Þorri Þorsteinsson 2 og Halldór Yngvi Jónsson 2.
Þegar sex leikir eru að baki hafa Þórsarar sex stig; hafa unnið þrjá leiki en tapað þremur.
