Þórsarar tómhentir heim úr Laugardalnum

Þórsarar töpuðu í dag þriðja útileiknum í röð á Íslandsmótinu þegar þeir sóttu Þróttara heim í Laugardalinn. Þórsliðið lék ágætlega úti á velli en varð hins vegar ekkert ágengt þegar nær dró marki heimamanna.

Þróttarar unnu leikinn 3:0 eftir að staðan var 1:0 í hálfleik.

Þórsarar urðu fyrir því áfalli um miðjan fyrri hálfleikinn að finnski miðvörðurinn, Akseli Matias Kalermo, þurfti að fara meiddur af velli. Hann fékk höfuðhögg og í ljós kom að Finninn fékk heilahristing. Ótrúlegt en satt er Akseli þriðji Þórsarinn sem þarf að fara af vell í leik vegna höfuðhöggs í sumar. 

Frétt fotbolti.net: Fékk heilahristing og festist í baki

Þórsarar eru eftir sem áður í 5. sæti deildarinnar með níu stig.

Smellið hér til að sjá leikskýrsluna.