Þór/KA vann Blika og leikur til úrslita
Þór/KA leikur til úrslita í Lengjubikarkeppni kvenna í knattspyrnu! Stelpurnar okkar gerðu sér lítið fyrir og sigruðu Breiðablik 2:1 á Kópavogsvelli í kvöld og mæta annað hvort Þrótti eða Stjörnunni í úrslitaleik laugardaginn 1. apríl.
Það var Tahnai Annis sem gerði bæði mörk Þórs/KA í kvöld.
Blikarnir byrjuðu betur og Andrea Rut Bjarnadóttir kom þeim yfir strax á 2. mínútu með skoti utarlega í veitateignum. Þór/KA átti erfitt uppdráttar framan af en stelpurnar unnu sig hægt og bítandi inn í leikinn og þegar tæpur hálftími var liðinn jafnaði Tahnai úr miðjum vítateig vinstra megin eftir sendingu frá Ísfold Marý Sigtryggsdóttur
Blikar sóttu meira í seinni hálfleik en þegar 10 mínútur voru eftir skoraði Tahnai aftur; með föstu, hnitmiðuðu skoti utan vítateigs og reyndist það markið sem skipti sköpum.
Smellið hér til að sjá leikskýrsluna
