Ion Perelló semur við Þór út næsta tímabil

Knattspyrnumaðurinn Ion Perelló Machi hefur framlengt samning sinn við Þór út næsta keppnistímabil – til haustsins 2023. Hann gekk til liðs við Þór frá Hetti/Hugin í lok júní og hefur tekið þátt í öllum átta leikjum Þórsliðsins síðan.

„Ion kom til liðs við okkar Þórsara nú á miðju sumri og hefur staðið sig frábærlega í þeim leikjum sem hann hefur tekið þátt í. Mikil ánægja hefur verið með hans frammistöðu innan, sem utan vallar og því frábært að hann hafi skuldbundið sig til að spila með liðinu á næsta tímabili,“ segir á heimasíðu Þórs.