Handbolta-Þórsarar fá unga Valsara í heimsókn

Karlalið Þórs í handbolta hefur leiktíðina í dag með heimaleik gegn ungmennaliði Vals í Íþróttahöllinni. Leikurinn hefst kl. 16.

Á heimasíðu félagsins segir að Þórsarar mæti til leiks með blöndu ungra og eldri leikmanna. Eini erlendi leikmaðurinn sem kláraði tímabilið með Þór í fyrra, Jonn Rói Tórfinsson, er farinn annað, en á móti hefur félagið endurheimt reynslumikla leikmenn. Tveir taka fram skóna að nýju og einn er kominn aftur heim til að spila og þjálfa. 

Brynjar Hólm Grétarsson var í sumar ráðinn aðstoðarþjálfari Halldórs Arnar Tryggvasonar, en Brynjar hefur verið hjá Stjörnunni undanfarin ár. Hann kemur aftur heim og verður bæði leikmaður og aðstoðarþjálfari. Þá hafa þeir Friðrik Svavarsson og Garðar Örn Jónsson tekið fram skóna að nýju.

Nánar hér á heimasíðu Þórs