100. landsleikur Arons líklega gegn S-Arabíu

Allar líkur eru á að 100. landsleikur Þórsarans Arons Einars Gunnarssonar, landsliðsfyrirliða í knattspyrnu, verði gegn Sádi-Arabíu 6. nóvember. Þjóðirnar mætast þá í vináttuleik í Sameinuðu arabísku furstadæmunum.

Arnar Þór Viðarsson landsliðsþjálfari kynnti í dag hóp leikmanna sem taka þátt í verkefninu. Margir eru úr íslensku deildinni, m.a. KA-maðurinn Daníel Hafsteinsson eins og fram kom fyrr í dag, þar sem ekki er um alþjóðan landsleikjadag að ræða og leikmenn flestra erlendra liða  því uppteknir við störf hjá vinnuveitendum sínum. Félagslið í Katar, þar sem Aron Einar leikur, verða hins vegar komin í frí vegna heimsmeistaramótsins sem hefst þar í landi 20. nóvember.

Smellið hér til að sjá landsliðshópinn.