Karlalið KA og Þórs spila í bikarnum í dag

Bæði karlalið Akureyrar í handknattleik, Þór og KA, spila í bikarkeppni HSÍ, Powerade-bikarnum, í dag. Þórsarar eiga heimaleik, en KA fer á Ísafjörð.

Leikirnir eru í 16 liða úrslitum bikarkeppninnar. KA sat yfir í fyrstu umferðinni, en Þórsarar hafa nú þegar spilað einn leik, mættu ÍBV 2 í Eyjum og unnu þann leik.

Þórsarar mæta ÍR-ingum sem eru á botni Olísdeildarinnar með fimm stig, en þeir fóru beint upp úr Grill 66 deildinni í vor. ÍR vann báðar viðureignir þessara liða í Grill 66 deildinni á síðastliðnu tímabili.

• Powerade-bikar karla í handknattleik
  Íþróttahöllin á Akureyri kl. 16:00
  Þór - ÍR

KA sækir Hörð heim til Ísafjarðar. Hörður spilaði í Olísdeildinni tímabilið 2022-23 og féll án þess að vinna leik. Liðið mætti Þór í undanúrslitum Grill 66 deildarinnar í vor og tapaði í oddaleik. KA hefur verið í botnbaráttu Olísdeildarinnar það sem af er tímabili, situr í 8. sætinu með fimm stig eins og HK og ÍR sem eru fyrir neðan.

• Powerade-bikar karla í handknattleik
  Íþróttamiðstöðin á Ísafirði kl. 18:30
  Hörður - KA