Jana Salóme verður í efsta sæti hjá VG

Jana Salóme Ingibjargar Jósepsdóttir, varabæjarfulltrúi, verður í efsta sæti á lista Vinstri grænna fyrir bæjarstjórnarkosningarnar í maí. Forval VG hófst 2. mars og lauk í dag. Valið var í sex efstu sætin og er kosning bindandi með þeim fyrirvörum sem forvalsreglur VG segja til um, að ekki halli á konur, að því er segir í tilkynningu frá flokknum.

Í efstu sætunum urðu:

1. Jana Salóme Ingibjargar Jósepsdóttir, varabæjarfulltrúi, 68 atkvæði í 1. sæti (62%)
2. Ásrún Ýr Gestsdóttir, háskólanemi, 80 atkvæði í 1. – 2. sæti (73%)
3. Sif Jóhannesar Ástudóttir, verkefnastjóri
4. Hermann Arason, framkvæmdastjóri
5. Einar Gauti Helgason, matreiðslumeistari
6. Sóley Björk Stefánsdóttir, bæjarfulltrúi

Kjörsókn var 29% – atkvæði greiddu 110.

Þessi níu voru í framboði í rafrænu forvali Vinstri grænna á Akureyri:

• Ásrún Ýr Gestsdóttir, háskólanemi, í 1. sæti
• Einar Gauti Helgason, matreiðslumeistari, í 3. sæti
• Herdís Júlía Júlíusdóttir, iðjuþjálfi, í 6. sæti
• Hermann Arason, framkvæmdastjóri, í 2.-4. sæti
• Inga Elísabet Vésteinsdóttir, landfræðingur, í 6. sæti
• Jana Salóme Ingibjargar Jósepsdóttir, varabæjarfulltrúi, í 1. sæti
• Ólafur Kjartansson, vélvirki og fyrrv. framhaldskólakennari, í 2. sæti
• Sif Jóhannesar Ástudóttir, verkefnastjóri, í 2.-6. sæti
• Sóley Björk Stefánsdóttir, bæjarfulltrúi, 4.-6. sæti