Fyrsti úrslitaleikur KA og Þróttar í dag

KA og Þróttur úr Reykjavík mætast í dag í fyrsta úrslitaleiknum um Íslandsmeistaratil karla í blaki. Flautað verður til leiks í KA-heimilinu kl. 16.00.

Þrjá sigra þarf til að tryggja sér titilinn og þar sem KA-strákarnir urðu deildarmeistarar byrja þeir á heimavelli og komi til fimmta leiks verður hann í KA-heimilinu.

• Unbroken-deild karla í blaki – úrslitaeinvígi – leikur 1
  KA-heimilið kl. 16.00
  KA - Þróttur R.

Annar leikur liðanna verður í Laugardalshöll fimmtudag 17. apríl, og sá þriðji í KA-heimilinu miðvikudagskvöldið 23. apríl.

Komi til fjórða leiks verður hann í Laugardalshöll laugardaginn 26. apríl og þurfi liðin að mætast í fimmta sinn til að knýja fram úrslit verður sú viðureign í KA-heimilinu þriðjudagskvöldið 29. apríl.

Liðin mættust þrisvar í deildinni í vetur, Þróttarar unnu tvo leiki og KA-strákarnir einn. Þau áttust einnig við í úrslitaleik bikarkeppninnar og þá unnu KA-strákarnir 3:0.

2. nóvember - deildin:KA - Þróttur 1:3
(19/25, 25/20, 22/25, 24/26)

30. nóvember - deildin:Þróttur - KA 3:1
(25/18, 25/23, 23/25, 25/23)

25. janúar - deildin:KA - Þróttur 3:1
(25/15, 25/20, 13/25, 25/18)

8. mars - bikarúrslit:
KA - Þróttur 3:0(25/21, 25/16, 25/23)