BSO verður á sínum stað út maí á næsta ári

Leigubílstjórar á Akureyri verða áfram með aðstöðu við Strandgötu í miðbænum þar til 31. maí næsta vor. Bæjarráð samþykkti í morgun áframhaldandi framlengingu á stöðuleyfi, eins og það heitir á fagmáli.

Bifreiðastöð Oddeyrar, BSO, hefur verið til húsa í miðbænum í áratugi. Síðasta haust var leigubílstjórum gert að víkja fyrir 1. apríl á þessu ári vegna breytinga á deiliskipulagi miðbæjarins, stöðuleyfi var hins vegar framlengt í vor til haustsins og aftur í morgun til vors.