Risakýrin Edda
Glatvarmalagnir lagðar undir þjóðveg 1
12.08.2024 kl. 17:30
Lokað! Unnið að því að leggja lagnir þvert undir þjóðveg 1 í því skyni að nýta glatvarma frá aflþynnuverksmiðju TDK í Krossanesi. Mynd: Norðurorka.
Eitt af verkefnum dagsins, segir á Facebook-síðu Norðurorku og meðfylgjandi myndir sýna verkefnið. Verið er að leggja lagnir undir þjóðveg 1 við Hlíðarbraut og er það hluti af því verkefni að nýta glatvarma frá aflþynnuverksmiðju TDK í Krossanesi, sem Akureyri.net hefur fjallað um áður.
„Smám saman færumst við nær því að geta nýtt glatvarma frá aflþynnuverksmiðjunin TDK til upphitunar á bakrásarvatni úr kerfum Norðurorku. Samstarfið við TDK er mikilvægur þáttur í öflun á heitu vatni og ef vel tekst til með nýtingu á glatvarma frá verksmiðjunni verður það mikil lyftistöng í rekstri hitaveitunnar,“ segir með þessum myndum á Facebook-síðu Norðurorku.
