Þór/KA sækir Víking heim í Bestu deildinni

Þór/KA hefur keppni í Bestu deildinni í knattspyrnu í dag þegar Stelpurnar okkar sækja Víkinga heim í Fossvoginn. Leikurinn hefst klukkan 18.00 og verður sýndur beint á Stöð 2 Sport 5.

Liðin mættust síðast í lokaumferð efri hluta Bestu deildarinnar, efstu deildar Íslandsmótsins, í fyrrahaust. Víkingur vann leikinn og skaust upp í 3. sætið, upp fyrir Þór/KA sem endaði í 4. sætinu. Leikir liðsins í deildinni í fyrrasumar unnust báðir á útivelli. Þór/KA vann 2:1 á Víkingsvellinum, en Víkingar unnu 2:0 á Akureyri, auk sigursins í lokaleiknum.

Þór/KA hefur gengið nokkuð vel á undirbúningstímabilinu en tapaði þó tveimur lykilleikjum nýlega; fyrst 4:1 fyrir Breiðabliki í úrslitum Lengjubikarkeppninnar og síðan aftur 4:1 fyrir FHL í lokaleik Kjarnafæðismótsins. Þar með sigraði Tindastóll í mótinu en Þór/KA varð í 2. sæti.

• Besta deild kvenna í knattspyrnu
  Víkingsvöllur kl. 18
  Víkingur - Þór/KA

Leikmannahópurinn er lítið breyttur frá því í fyrra. Þrír erlendir leikmenn sem voru hjá Þór/KA í fyrra, Shelby Money, Lara Ivanusa og Lidija Kulis, eru allar farnar annað og Ísfold Marý Sigtryggsdóttir gekk til liðs við Víking í vetur. Inn í hópinn eru komnar Eva Rut Ásþórsdóttir frá Fylki og markvörðurinn Jessica Berlin, auk þess sem inn í hópinn koma ungar heimaaldar stelpur.

• Þór/KA er spáð 4. sæti Bestu deildarinnar í árlegri spá fyrirliða, þjálfara og forráðamanna liðanna.
• Sérfræðingar fótbolta.net spá því að Þór/KA lendi í 5. sæti Bestu deildarinnar í sumar,
• Morgunblaðið og mbl.is spá því að liðið lendi í 4. sæti deildarinnar.

Deildin hófst í gær með tveimur leikjum: Íslandsmeistarar Breiðabliks burstuðu Stjörnuna 6:1 og Þróttur vann nýliða Fram 3:1. Þrír leikir fara fram í kvöld; auk leiksins á Víkingsvellinum mætast Tindastóll og nýliðar FHL á Sauðárkróki og að Hlíðarenda mætast Valur og FH.

Næstu leikir Þórs/KA í Bestu deildinni: