Níu nýstúdentar brautskráðir frá MA

Undanfarin misseri hefur Menntaskólinn á Akureyri (MA) boðið upp á sveigjanleg námslok og því hafa allmörg lokið stúdentsprófi á öðrum tíma en 17. júní, í ágúst eða í desember. Þetta hafa þó verið fáir nemendur í hvert skipti en nú brá svo við að níu nemendur alls luku stúdentsprófi. Að því tilefni var haldin lítil brautskráningarathöfn í Gamla skóla í gær og nýstúdentarnir mættu ásamt fjölskyldum sínum. Boðið var upp á veitingar og var þetta afar notaleg og gleðileg stund, að því er segir á vef skólans. Þar er nýstúdentunum óskað innilega til hamingju. Sjö þeirra náðust á mynd.