Þórsarar sækja Snæfell heim í kvöld

Karlalið Þórs í körfuknattleik er á leið í Stykkishólk þar sem liðið mætir Snæfelli í 6. umferð 1. deildar í kvöld kl. 19:15.

Þór, Snæfell og KFG eru jöfn á botni deildarinnar með einn sigur í fyrstu fimm umferðunum. Þórsarar töpuðu fyrstu fjórum leikjum sínum, en unnu Skallagrím í framlengdum leik á Akureyri í síðustu umferð. Snæfell vann Fjölni í 1. umferðinni, en hefur síðan þá tapað fyrir Ármanni, Selfossi, Sindra og ÍA. 

• 1. deild karla í körfuknattleik
  Íþróttamiðstöðin í Stykkishólmi kl. 19:15
  Snæfell - Þór