Maddie og Baldur Örn mikilvægust hjá Þór
Maddie Sutton og Baldur Örn Jóhannesson voru verðlaunuð á lokahófi körfuknattleiksdeildar Þórs á laugardag sem mikilvægustu leikmenn liða Þórs á nýafstöðnu keppnistímabili.
Kvennalið Þórs fór sem kunnugt er í úrslitaleik bikarkeppninnar, VÍS-bikarsins. Liðið endaði í 7. sæti Subway-deildarinnar, en mátti játa sig sigrað gegn Grindvíkingum í átta liða úrslitum. Karlalið Þórs tók mikið stökk frá slökum árangri í fyrra, náði 5. sæti 1. deildarinnar, sigraði Skallagrím í oddaleik í átta liða úrslitum, en laut í lægra haldi gegn ÍR-ingum í undanúrslitum í umspili um laust sæti í efstu deild.
Tilkynnt var um verðlaunahafa liðanna á lokahófi á laugardagskvöldið:
- Mikilvægasti leikmaður: Maddie Sutton
- Besti varnarmaður: Eva Wium Elíasdóttir
- Efnilegasti leikmaður: Emma Karólína Snæbjarnardóttir
- Mikilvægasti leikmaður: Baldur Örn Jóhannesson
- Besti varnarmaður: Jason Gigliotti
- Efnilegasti leikmaður: Reynir Róbertsson
Þrjú fengu viðurkenningu fyrir að hafa náð 100 leikja markinu, þau Eva Wium Elíasdóttir, Karen Lind Helgadóttir og Baldur Örn Jóhannesson.
Nánar á vef félagsins.
