Óðinn Þór valinn í æfingahóp landsliðsins

Skapti Hallgrímsson - skapti@akureyri.net 26.10.2021 kl. 13:10

Óðinn Þór Ríkharðsson hornamaður úr KA. Ljósmynd: Skapti Hallgrímsson.

Óðinn Þór Ríkharðsson, hornamaðurinn öflugi hjá KA, er í leikmannahópi Guðmundar Guðmundssonar, landsliðsþjálfara í handbolta, sem mun æfa saman 1. til 6. nóvember. Æfingarnar marka upphafið að undirbúningi liðsins fyrir Evrópumótið sem fram fer í Ungverjalandi og Slóvakíu í janúar.

Óðinn, sem er 24 ára og kom til KA í sumar frá Team Tvis Holstebro í Danmörku, að 14 landsleiki að baki og hefur gert 44 mörk.

Á heimasíðu HSÍ kemur fram að eftir að þessu verkefni lýkur komi liðið ekki saman á ný fyrr en eftir áramót, þegar lokaundirbúningur fyrir EM hefst. Þá verða m.a. spilaðir tveir vináttulandsleikir gegn Litháen hér heima. Liðið heldur utan 11. janúar en fyrsti leikur Íslands á EM er föstudaginn 14. janúar gegn Portúgal.

Þórsarinn Arnór Þór Gunnarsson, sem leikur einmitt í sama horni og Óðinn Þór, gefur ekki kost á sér til æfinga að þessu sinni vegna meiðsla í mjöðm. Hann hefur reyndar leikið með Bergischer í þýsku deildinni undanfarið en verður í fríi í æfingavikunni.

Hópurinn er þannig skipaður - í sviga fjöldi leikja og skoruð mörk.

Markmenn: