Lið KA/Þórs sá aldrei til sólar gegn Haukum
KA/Þór var engin fyrirstaða fyrir Hauka þegar liðin mættust í dag í Olísdeildinni, efstu deild Íslandsmótsins í handbolta, í KA-heimilinu.Gestirnir úr Hafnarfirði unnu stórsigur, 32:19, eftir að staðan í hálfleik var 16:5.
Hvorki gekk né rak hjá heimaliðinu á upphafskaflanum og Haukar komust í 5:0. Eftir 19 mínútur var staðan orðin 11:2, þá var fyrir löngu ljóst hvert stefndi en vont varð verra í seinni hálfleik. Munurinn varð mestur 17 mörk en í lokin munaði 13 mörkum.
KA/Þór er áfram í sjöunda og næst neðsta sæti með fimm stig. Haukar eru í öðru sæti með 20 stig, tveimur stigum á eftir toppliði Vals.
Lydía Gunnþórsdóttir skorar úr víti í dag. Ljósmynd: Skapti
Mörk KA/Þórs: Lydía Gunnþórsdóttir 5, Isabella Fraga 4, Rafaele Nascimento Fraga 3, Nathalia Soares Baliana 2, Bergrós Ásta Guðmundsdóttir 2, Kristín A. Jóhannsdóttir 2, Aþena Einvarðsdóttir 1.
Varin skot: Matea Lonac 12 (1 víti).
Matea Lonac sallaróleg í marki KA/Þórs í dag þótt Rakel Oddný Guðmundsdóttir sé komin í skotstöðu í hraðaupphlaupi. Matea gerði sér lítið fyrir og varði í þetta sinn en það skipti ekki neinu máli þegar upp var staðið. Ljósmynd: Skapti Hallgrímsson
Smellið hér til að sjá alla tölfræði úr leiknum.
