KA burstaði Þrótt, Þór/KA vann en Þór tapaði
Keppni hélt áfram í Lengjubikarkeppninni í fótbolta í dag. Lið KA og Þórs/KA unnu bæði en Þór tapaði.
- KA - Þróttur Reykjavík 5:0
Færeyski framherjinn Pætur Petersen gerði tvö mörk fyrir KA og þeir Harley Willard, Daníel Hafsteinsson og Hallgrímur Mar Steingrímsson sitt markið hver. Leikið var á Greifavellinum nýja á KA-svæðinu. Færeyringurinn Pætur hefur þar með gert fjögur mörk fyrir KA í jafn mörgum leikjum í keppninni.
- Þór - Fjölnir 1:2
Leikurinn fór fram í Boganum. Daninn Marc Rochester Sörensen gerði fyrsta mark sitt fyrir Þór þegar hann kom liðinu yfir strax á þriðju mínútu en Bjarni Gunnarsson jafnaði fyrir gestina aðeins fimm mín. síðar. Það var svo á 85. mínútu að Bjarni Þór Hafstein tryggði Fjölnismönnum sigur með marki úr víti.
KA og Þór eru í sama riðli og mætast í Boganum á fimmtudaginn kemur, 2. mars, klukkan 19.30.
Smellið hér til að sjá allar upplýsingar um riðilinn
- KR - Þór/KA 1:3
Stelpurnar okkar mættu Vesturbæjarliðinu á KR-vellinum. Heimamenn komust yfir en Sandra María Jessen jafnaði fyrir hlé. Í seinni hálfleik skoruðu svo þær Amalía Árnadóttir og Hulda Ósk Jónsdóttir og tryggðu Þór/KA sigur.
Smellið hér til að sjá allar upplýsingar um riðilinn.
