KA tapaði á Nesinu og glímir við Hauka
KA mætir Haukum í fyrstu umferð úrslitakeppninnar um Íslandsmeistaratitilinn í handbolta. KA-menn töpuðu fyrir Gróttu á Seltjarnarnesi í lokaumferð deildarkeppninnar í dag, 33:28, og ljúka keppni í sjöunda sæti. Haukur unnu FH og lentu í öðru sæti en Valsmenn urðu deildarmeistarar eftir stórsigur á Selfyssingum.
KA hafði yfirhöndina fyrstu 20 mínútur leiksins á Seltjarnarnesi í dag og komst mest þremur mörkum yfir, 8:5 og 11:8 en þegar þar var komið sögu tóku heimamenn við keflinu og létu forystuna aldrei af hendi. Grótta var fjórum mörkum yfir í hálfleik, 18:14, og mestur varð munurinn sjö mörk, 25:18.
Mörk KA: Ólafur Gústafsson 8, Óðinn Þór Ríkharðsson 6 (2 víti), Arnór Ísak Haddsson 4, Arnar Freyr Ársælsson 3, Einar Birgir Stefánsson 3, Patrekur Stefánsson 2, Jón Heiðar Sigurðsson 1 og Allan Norðberg 1.
Varin skot: Nicholas Satchwell 11 (29%)
Öll úrslit dagsins:
- Grótta – KA 33:28
- Selfoss – Valur 24:37
- Haukar – FH 32:31
- Afturelding – Fram 23:26
- Stjarnan – Víkingur 42:30
- HK – ÍBV 33:37
Áttu efstu liðin í deildinni:
1. Valur 34 stig
2. Haukar 34
3. ÍBV 31
4. FH 29
5. Selfoss 26
6. Stjarnan 24
7. KA 20
8. Fram 19
Rimmurnar í átta liða úrslitunum
- Valur (1) – Fram (8)
- Haukar (2) – KA (7)
- ÍBV (3) – Stjarnan (6)
- FH (4) – Selfoss (5)
Fyrsta umferð átta liða úrslitanna verður 21. og 22. apríl
- KA og Haukar hafa mæst þrisvar í vetur. Haukar unnu báða leikina í deildinni, 32:29 á Akureyri og 27:24 í Hafnarfirði. KA hafði hins vegar betur í átta liða úrslitum bikarkeppninnar, 28:26, á heimavelli.
