KA-menn fengu dýrmætt stig í Mosfellsbænum
Afturelding og KA gerðu jafntefli, 27:27, í æsispennandi leik í Olísdeildinni í handbolta að Varmá í Mosfellsbæ í dag. Liðin eru nú bæði með 20 stig, tveimur á undan Fram, þegar þrjár umferðir eru eftir. Liðin þrjú berjast um tvö sæti í átta liða úrslitakeppni en KA á reyndar leik til góða á bæði Aftureldingu og Fram og gæti því komist í 22 stig og upp að hlið Selfoss í 5. til 6 sæti.
Leikurinn var í jafnvægi megnið af fyrri hálfleik en þá gerði Afturelding fjögur mörk röð og var þremur mörk yfir í hálfleik, 17:14. Heimamenn voru yfir nær allan seinni hálfleik, tveimur til fjórum mörkum, allt þar til KA gerði þrjú mörk í röð og jafnaði 26:26 þegar fjórar mínútur voru eftir. Hvort lið gerði eitt mark enn og fengu bæði kjörin tækifæri til að bæta við en tókst ekki.
Mörk KA: Árni Bragi Eyjólfsson 8 (1 víti), Patrekur Stefánsson 7, Áki Egilsnes 5, Einar Birgir Stefánsson 4, Jón Heiðar Sigurðsson 1, Andri Snær Stefánsson 1, Ólafur Gústafsson 1.
Nicholas Satchwell varði 7/1 skot og Bruno Bernat 1.
Smelltu hér til að sjá alla tölfræði úr leiknum.
